ہر سوچ میں سنگین فضاؤں کا فسانہ

ہر فکر میں شامل ہوا تحریر کا ماتم

پرواز میں تھا امن کا معصوم پرندہ

سنتے ہیں کہ بے چارہ شجر تک نہیں پہنچا

آہ تو اب بھی دل سے اٹھتی ہے

لیکن اس میں اثر نہیں ہوتا

میں کہ تیرے دھیان میں گم تھا

دنیا مجھ کو ڈھونڈھ رہی تھی

یاد نہ آنے کا وعدہ کر کے

وہ تو پہلے سے سوا یاد آیا

ایک نظر میں اس نے ہر اک دل کو جیت لیا

ایک نظر میں اس کے ہو گئے جانے کتنے لوگ

مدت سے محبت کے سفر میں ہوں کرامتؔ

لیکن ابھی چاہت کے نگر تک نہیں پہنچا

یہ بادل غم کے موسم کے جو چھٹ جاتے تو اچھا تھا

یہ پھیلائے ہوئے منظر سمٹ جاتے تو اچھا تھا

ضروری تو نہیں اک فصل گل ہو

جنوں کے اور بھی موسم بہت ہیں

گواہی کے لیے کافی رہے گا

میں اپنا خون منہ پہ مل رہا ہوں