bhuuk taḳhlīq kā talent baḌhā detī hai

peT ḳhālī ho to ham sher nayā kahte haiñ

bhuk taKHliq ka talent baDha deti hai

peT KHali ho to hum sher naya kahte hain

na hoñ paise to istiqbāliyoñ se kuchh nahīñ hogā

kisī shā.er ko ḳhālī tāliyoñ se kuchh nahīñ hogā

na hon paise to istiqbaaliyon se kuchh nahin hoga

kisi shaer ko KHali taliyon se kuchh nahin hoga

maiñ ne bas itnā hī likhā i-love-you aur phir

us ne aage kar diyā thā gaal internet par

main ne bas itna hi likha i-lowe-you aur phir

us ne aage kar diya tha gal internet par

kaisā ajiib aayā hai is saal kā bajaT

murġhī kā jo bajaT hai vahī daal kā bajaT

kaisa ajib aaya hai is sal ka bajaT

murghi ka jo bajaT hai wahi dal ka bajaT

garmī jo aa.ī ghar kā havā-dān khul gayā

sāhil pe jab gayā to har insān khul gayā

garmi jo aai ghar ka hawa-dan khul gaya

sahil pe jab gaya to har insan khul gaya

ab ghar ke darīche meñ aa.egī havā kaise

aage bhī plāzā hai pīchhe bhī plāzā hai

ab ghar ke dariche mein aaegi hawa kaise

aage bhi plaza hai pichhe bhi plaza hai

jo tum parfum meñ Dupkī lagā kar roz aatī ho

fazā tum se mo.attar hai havā meñ kuchh nahīñ rakkhā

jo tum parfum mein Dupki laga kar roz aati ho

faza tum se moattar hai hawa mein kuchh nahin rakkha

jo luġhat ko toḌ-maroḌ de jo ġhazal ko nasr se joḌ de

maiñ vo bad-mazāq-e-suḳhan nahīñ vo jadīdiyā koī aur hai

jo lughat ko toD-maroD de jo ghazal ko nasr se joD de

main wo bad-mazaq-e-suKHan nahin wo jadidiya koi aur hai

do chaar din se merī samā.at block thī

tum ne ġhazal paḌhī to mirā kaan khul gayā

do chaar din se meri samaat block thi

tum ne ghazal paDhi to mera kan khul gaya

T.v kā ye mazāq adīboñ ke saath hai

shā.er se dugnā rakh diyā qavvāl kā bajaT

Tw ka ye mazaq adibon ke sath hai

shaer se dugna rakh diya qawwal ka bajaT

biktī hai ab kitāb bhī cassette ke rate pe

kaise banegā 'ġhālib' o 'iqbāl' kā bajaT

bikti hai ab kitab bhi cassette ke rate pe

kaise banega 'ghaalib' o 'iqbaal' ka bajaT

bichhḌe the jab ye log mahīna thā june kā

sohnī banā rahī thī mahīñvāl kā bajaT

bichhDe the jab ye log mahina tha june ka

sohni bana rahi thi mahinwal ka bajaT