Krishna Mohan's Photo'

Krishna Mohan

1922 - 2004 | Delhi, India

Sher of Krishna Mohan

jab bhī mile vo nā-gahāñ jhuum uThe haiñ qalb o jaañ

milne meñ lutf hai agar milnā ho kaam ke baġhair

jab bhi mile wo na-gahan jhum uThe hain qalb o jaan

milne mein lutf hai agar milna ho kaam ke baghair

dil ek sadiyoñ purānā udaas mandir hai

umiid tarsā huā pyaar dev-dāsī

dil ek sadiyon purana udas mandir hai

umid tarsa hua pyar dew-dasi ka

makāñ andar se ḳhasta ho gayā hai

aur is meñ ek rasta ho gayā hai

makan andar se KHasta ho gaya hai

aur is mein ek rasta ho gaya hai

kirshn 'mohan' ye bhī hai kaisā akelā-pan ki log

maut se Darte haiñ maiñ to zindagī se Dar gayā

kirshn 'mohan' ye bhi hai kaisa akela-pan ki log

maut se Darte hain main to zindagi se Dar gaya

vo kyā zindagī jis meñ joshish nahīñ

vo kyā aarzū jis meñ kāvish nahīñ

wo kya zindagi jis mein joshish nahin

wo kya aarzu jis mein kawish nahin

zindagī ke āḳhirī lamhe ḳhushī se bhar gayā

ek din itnā hañsā vo hañste hañste mar gayā

zindagi ke aaKHiri lamhe KHushi se bhar gaya

ek din itna hansa wo hanste hanste mar gaya

kareñ to kis se kareñ zikr-e-ḳhānā-vīrānī

ki ham to aag nasheman ko ḳhud lagā aa.e

karen to kis se karen zikr-e-KHana-virani

ki hum to aag nasheman ko KHud laga aae

jab bhī tahrīr apnī dāstāñ

terī tasvīr ho kar rah ga.ī

jab bhi ki tahrir apni dastan

teri hi taswir ho kar rah gai