nigāh-e-nāz kī pahlī sī barhamī bhī ga.ī

maiñ dostī ko hī rotā thā dushmanī bhī ga.ī

nigah-e-naz ki pahli si barhami bhi gai

main dosti ko hi rota tha dushmani bhi gai

yaad aur un kī yaad kī allāh-re mahviyat

jaise tamām umr kī fursat ḳharīd lī

yaad aur un ki yaad ki allah-re mahwiyat

jaise tamam umr ki fursat KHarid li

mohabbat aur 'mā.il' jald-bāzī kyā qayāmat hai

sukūn-e-dil banegā iztirāb āhista āhista

mohabbat aur 'mail' jald-bazi kya qayamat hai

sukun-e-dil banega iztirab aahista aahista

nazar aur vus.at-e-nazar ma.alūm

itnī mahdūd kā.enāt nahīñ

nazar aur wusat-e-nazar malum

itni mahdud kaenat nahin

maiñ ne dekhe haiñ dahakte hue phūloñ ke jigar

dil-e-bīnā meñ hai vo nuur tumheñ kyā ma.alūm

main ne dekhe hain dahakte hue phulon ke jigar

dil-e-bina mein hai wo nur tumhein kya malum

da.avā-e-insāniyat 'mā.il' abhī zebā nahīñ

pahle ye socho kisī ke kaam aa saktā huuñ maiñ

dawa-e-insaniyat 'mail' abhi zeba nahin

pahle ye socho kisi ke kaam aa sakta hun main

sailāb-e-ishq ġharq-kun-e-aql-o-hosh thā

ik bahar thā ki shām-o-sahar garam-josh thā

sailab-e-ishq gharq-kun-e-aql-o-hosh tha

ek bahar tha ki sham-o-sahar garam-josh tha