کیا غیر کیا عزیز کوئی نوحہ گر نہ ہو

اے جان یوں نکل کہ بدن تک خبر نہ ہو

صحت ہے مرض قضا شفا ہے

اللہ حکیم ہے ہمارا

چشم باطن میں سے جب ظاہر کا پردہ اٹھ گیا

جو مسلماں تھا وہی ہندو نظر آیا مجھے

نظر کسی کو وہ موئے کمر نہیں آتا

برنگ تار نظر ہے نظر نہیں آتا

کیا دیا بوسہ لب شیریں کا ہو کر ترش رو

منہ ہوا میٹھا تو کیا دل اپنا کھٹا ہو گیا

توڑ کر کعبہ کو مسجد نہ بناؤ زاہد

خانہ برباد کسی دل ہی میں کر گھر پیدا

خون عشاق کا اٹھا بیڑا

بے سبب کب وہ پان کھاتا ہے

کعبہ کا اور خانۂ دل کا یہ حال ہے

جیسے کوئی مکاں ہو مکاں کے جواب میں

گلے میں اپنے پہنا ہے جو تو نے اے بت کافر

مری تسبیح کو ہے رشک زنار برہمن پر

حسرت دید میں آخر کو دم اپنا الٹا

پردۂ چشم نہ اس شوخ نے اپنا الٹا