ye kamra band hai chāroñ taraf se

udāsī kis taraf se aa rahī hai

ye kamra band hai chaaron taraf se

udasi kis taraf se aa rahi hai

hazāroñ āñkheñ mujhe be-zabāñ samajhtī haiñ

jo dekhtā hai maiñ us ko sunā.ī detā huuñ

hazaron aankhen mujhe be-zaban samajhti hain

jo dekhta hai main us ko sunai deta hun

tū bahut ḳhush nazar aatā hai mujhe itnā batā

mujh se pahle bhī koī shaḳhs yahāñ aayā thā

tu bahut KHush nazar aata hai mujhe itna bata

mujh se pahle bhi koi shaKHs yahan aaya tha

shahr chhoTā hai magar dil hai kushāda itnā

ham baḌe shahr meñ hote to samundar hote

shahr chhoTa hai magar dil hai kushada itna

hum baDe shahr mein hote to samundar hote

rāste kī namī batātī hai

ābla-pā yahāñ se guzre haiñ

raste ki nami batati hai

aabla-pa yahan se guzre hain

baqāyā zaḳhm izāfī diye ga.e mujh ko

mire liye to tirā intizār kaafī thā

baqaya zaKHm izafi diye gae mujh ko

mere liye to tera intizar kafi tha

nazar ke paar bhī sabza bichhā hai

mohabbat duur tak phailī huī hai

nazar ke par bhi sabza bichha hai

mohabbat dur tak phaili hui hai

use kaho ki yahāñ itnī der tak to ruke

ki saare shahr kī āb-o-havā badal jaa.e

use kaho ki yahan itni der tak to ruke

ki sare shahr ki aab-o-hawa badal jae

nuur se duur siyah-rāt meñ zinda rahnā

kitnā mushkil hai mazāfāt meñ zinda rahnā

nur se dur siyah-raat mein zinda rahna

kitna mushkil hai mazafat mein zinda rahna

vo jab chehra dūsrī jānib kar letā hai

maiñ apnī tasvīr meñ aadhā rah jaatā huuñ

wo jab chehra dusri jaanib kar leta hai

main apni taswir mein aadha rah jata hun

maiñ na miltā agar masāfat ko

rāste kī thakan kahāñ jaatī

main na milta agar masafat ko

raste ki thakan kahan jati

ghar se niklūñ to khilaune bhī uThā letā huuñ

mujh se rote hue bachche nahīñ dekhe jaate

ghar se niklun to khilaune bhi uTha leta hun

mujh se rote hue bachche nahin dekhe jate