jab bhī vālid kī jafā yaad aa.ī

apne daadā kī ḳhatā yaad aa.ī

jab bhi walid ki jafa yaad aai

apne dada ki KHata yaad aai

dushmanoñ kī dushmanī mere liye āsān thī

ḳharch aayā dostoñ kī mezbānī meñ bahut

dushmanon ki dushmani mere liye aasan thi

KHarch aaya doston ki mezbani mein bahut

apne dam se hai zamāne meñ ghoTāloñ kā vajūd

ham jahāñ hoñge ghoTāle hī ghoTāle hoñge

apne dam se hai zamane mein ghoTalon ka wajud

hum jahan honge ghoTale hi ghoTale honge

dūsrī ne jo sambhālī chappal

pahlī biivī kī vafā yaad aa.ī

dusri ne jo sambhaali chappal

pahli biwi ki wafa yaad aai

jab huā kaale kā gore se milāp

mil ga.iiñ tārīkiyāñ tanvīr se

jab hua kale ka gore se milap

mil gain tarikiyan tanwir se

yahāñ jitne haiñ apne baap ke haiñ

tumhāre baap kā koī nahīñ hai

yahan jitne hain apne bap ke hain

tumhaare bap ka koi nahin hai

jal gayā kaun mere hañsne par

''ye dhuāñ sā kahāñ se uThtā hai''

jal gaya kaun mere hansne par

ye dhuan sa kahan se uThta hai

ishq aulād kar rahī hai magar

merā jiinā harām hotā hai

ishq aulad kar rahi hai magar

mera jina haram hota hai

kahā iThlā ke us ne aa.iye nā

yahāñ mere sivā koī nahīñ hai

kaha iThla ke us ne aaiye na

yahan mere siwa koi nahin hai

zulf ke pech meñ laTke hue shā.er kā vajūd

thak chukā hogā use mil ke utāro yaaro

zulf ke pech mein laTke hue shaer ka wajud

thak chuka hoga use mil ke utaro yaro

jhuuT hai dil na jaañ se uThtā hai

ye dhuāñ darmiyāñ se uThtā hai

jhuT hai dil na jaan se uThta hai

ye dhuan darmiyan se uThta hai

din meñ kabhī hāthoñ kī safā.ī se girah kaaT

shab meñ kabhī sāmān churāne ke liye aa

din mein kabhi hathon ki safai se girah kaT

shab mein kabhi saman churane ke liye aa

jo husn javānoñ ke liye vaqf hai us ko

ik baar to būḌhoñ ko dikhāne ke liye aa

jo husn jawanon ke liye waqf hai us ko

ek bar to buDhon ko dikhane ke liye aa

ham ki haiñ be-ghar koī warrant lā.egā kahāñ

jurm kī āsāniyāñ haiñ lā-makānī meñ bahut

hum ki hain be-ghar koi warrant laega kahan

jurm ki aasaniyan hain la-makani mein bahut

maar laatā hai jūtiyāñ do chaar

''jo tire āstāñ se uThtā hai''

mar lata hai jutiyan do chaar

jo tere aastan se uThta hai

pahle hotā thā nazar ke tiir se

kaam ab hotā hai vo kaf-gīr se

pahle hota tha nazar ke tir se

kaam ab hota hai wo kaf-gir se

dabānā shart hai bajte haiñ saare

khilaunā be-sadā koī nahīñ hai

dabana shart hai bajte hain sare

khilauna be-sada koi nahin hai

dil ke bajā.e kaise vo pahlū meñ aa gayā

ai shaiḳh-jī paḌhā ye sabaq kis kitāb meñ

dil ke bajae kaise wo pahlu mein aa gaya

ai shaiKH-ji paDha ye sabaq kis kitab mein