aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER
Muzaffar Hanfi's Photo'

Muzaffar Hanfi

1936 - 2020 | Delhi, India

One of the prominent modern poets.

One of the prominent modern poets.

Sher of Muzaffar Hanfi

2K
Favorite

SORT BY

suntā huuñ ki tujh ko bhī zamāne se gila hai

mujh ko bhī ye duniyā nahīñ raas aa.ī idhar aa

sunta hun ki tujh ko bhi zamane se gila hai

mujh ko bhi ye duniya nahin ras aai idhar aa

rotī huī ek bhiiḌ mire gird khaḌī thī

shāyad ye tamāsha mire hañsne ke liye thā

roti hui ek bhiD mere gird khaDi thi

shayad ye tamasha mere hansne ke liye tha

mujh se mat bolo maiñ aaj bharā baiThā huuñ

cigarette ke donoñ paikeT bilkul ḳhālī haiñ

mujh se mat bolo main aaj bhara baiTha hun

cigarette ke donon paikeT bilkul KHali hain

shukriya reshmī dilāse

tiir to aap ne bhī maarā thā

shukriya reshmi dilase ka

tir to aap ne bhi mara tha

kāñTe bone vaale sach-much bhī kitnā bholā hai

jaise raahī ruk jā.eñge tere kāñTe bone se

kanTe bone wale sach-much tu bhi kitna bhola hai

jaise rahi ruk jaenge tere kanTe bone se

sunā.iye vo latīfa har ek jaam ke saath

ki ek buuñd se īmān TuuT jaatā hai

sunaiye wo latifa har ek jam ke sath

ki ek bund se iman TuT jata hai

bachpan meñ ākāsh ko chhūtā lagtā thā

is pīpal shāḳheñ ab kitnī nīchī haiñ

bachpan mein aakash ko chhuta sa lagta tha

is pipal ki shaKHen ab kitni nichi hain

batā.eñ kyā ki bechainī baḌhāte haiñ vahī aa kar

bahut bechain ham jin ke liye ma.alūm hote haiñ

bataen kya ki bechaini baDhate hain wahi aa kar

bahut bechain hum jin ke liye malum hote hain

farq nahīñ paḌtā ham dīvānoñ ke ghar meñ hone se

vīrānī umDī paḌtī hai ghar ke kone kone se

TRANSLATION

Being at home of crazies like us, hardly matters,

Desolation creeps from its all nooks and corners.

Sagar Akbarabadi

farq nahin paDta hum diwanon ke ghar mein hone se

virani umDi paDti hai ghar ke kone kone se

TRANSLATION

Being at home of crazies like us, hardly matters,

Desolation creeps from its all nooks and corners.

Sagar Akbarabadi

us ne mujh ko yaad farmāyā yaqīnan

jism meñ aayā huā hai zalzala

us ne mujh ko yaad farmaya yaqinan

jism mein aaya hua hai zalzala sa

ab tak to ḳhud-kushī irāda nahīñ kiyā

miltā hai kyuuñ nadī ke kināre mujhe koī

ab tak to KHud-kushi ka irada nahin kiya

milta hai kyun nadi ke kinare mujhe koi

jab sarāboñ pe qanā.at salīqa aayā

ret ko haath lagāyā to vahīñ paanī thī

jab sarabon pe qanaat ka saliqa aaya

ret ko hath lagaya to wahin pani thi

shāḳhoñ par ib.hām ke paikar laTak rahe haiñ

lafzoñ ke jañgal meñ ma.anī bhaTak rahe haiñ

shaKHon par ibham ke paikar laTak rahe hain

lafzon ke jangal mein mani bhaTak rahe hain

kāñToñ meñ rakh ke phuul havā meñ uḌā ke ḳhaak

kartā hai sau tarah se ishāre mujhe koī

kanTon mein rakh ke phul hawa mein uDa ke KHak

karta hai sau tarah se ishaare mujhe koi

ġhamoñ par muskurā lete haiñ lekin muskurā kar ham

ḳhud apnī nazar meñ chor se ma.alūm hote haiñ

ghamon par muskura lete hain lekin muskura kar hum

KHud apni hi nazar mein chor se malum hote hain

ġhamoñ par muskurā lete haiñ lekin muskurā kar ham

ḳhud apnī nazar meñ chor se ma.alūm hote haiñ

ghamon par muskura lete hain lekin muskura kar hum

KHud apni hi nazar mein chor se malum hote hain

ab tak to ḳhud-kushī irāda nahīñ kiyā

miltā hai kyuuñ nadī ke kināre mujhe koī

ab tak to KHud-kushi ka irada nahin kiya

milta hai kyun nadi ke kinare mujhe koi

mere tīkhe sher qīmat dukhtī rag par kaarī choT

chiknī chupḌī ġhazleñ be-shak aap ḳharīdeñ sone se

mere tikhe sher ki qimat dukhti rag par kari choT

chikni chupDi ghazlen be-shak aap KHariden sone se

yuuñ palak par jagmagānā do ghaḌī aish hai

raushnī ban kar mire andar andar phail

yun palak par jagmagana do ghaDi ka aish hai

raushni ban kar mere andar hi andar phail ja

dekhnā kaise humakne lage saare patthar

merī vahshat ko tumhārī galī pahchāntī hai

dekhna kaise humakne lage sare patthar

meri wahshat ko tumhaari gali pahchanti hai

bheḌiye aur ishtirāk-shudā

biich meñ ik hiran halāk-shudā

bheDiye aur ishtirak-shuda

bich mein ek hiran halak-shuda

sunā ai dosto tum ne ki shā.er haiñ 'muzaffar' bhī

ba-zāhir aadmī kitne bhale ma.alūm hote haiñ

suna ai dosto tum ne ki shaer hain 'muzaffar' bhi

ba-zahir aadmi kitne bhale malum hote hain

khilte haiñ dil meñ phuul tirī yaad ke tufail

ātish-kada to der huī sard ho gayā

khilte hain dil mein phul teri yaad ke tufail

aatish-kada to der hui sard ho gaya

is khurdurī ġhazal ko na yuuñ muñh banā ke dekh

kis haal meñ likhī hai mire paas aa ke dekh

is khurduri ghazal ko na yun munh bana ke dekh

kis haal mein likhi hai mere pas aa ke dekh

sivā.e mere kisī ko jalne hosh kab thā

charāġh lau buland thī aur raat kam thī

siwae mere kisi ko jalne ka hosh kab tha

charagh ki lau buland thi aur raat kam thi

sunā ai dosto tum ne ki shā.er haiñ 'muzaffar' bhī

ba-zāhir aadmī kitne bhale ma.alūm hote haiñ

suna ai dosto tum ne ki shaer hain 'muzaffar' bhi

ba-zahir aadmi kitne bhale malum hote hain

shikast khā chuke haiñ ham magar aziiz fāteho

hamāre qad se kam na ho farāz-e-dār dekhnā

shikast kha chuke hain hum magar aziz fateho

hamare qad se kam na ho faraaz-e-dar dekhna

Thappa lagā huā hai 'muzaffar' ke naam

us koī bhī sher kahīñ se uThā ke dekh

Thappa laga hua hai 'muzaffar' ke nam ka

us ka koi bhi sher kahin se uTha ke dekh

Recitation

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
Speak Now