ADVERTISEMENT

Sher on Shukriya

shukriya ai qabr tak pahuñchāne vaalo shukriya

ab akele chale jā.eñge is manzil se ham

shukriya ai qabr tak pahunchane walo shukriya

ab akele hi chale jaenge is manzil se hum

Qamar Jalalvi

us mehrbāñ nazar ināyat shukriya

tohfa diyā hai eid pe ham ko judā.ī

us mehrban nazar ki inayat ka shukriya

tohfa diya hai eid pe hum ko judai ka

Unknown

ḳhatoñ ko kholtī dīmak shukriya varna

taḌap rahī thī lifāfoñ meñ be-zabānī paḌī

KHaton ko kholti dimak ka shukriya warna

taDap rahi thi lifafon mein be-zabani paDi

Azhar Faragh

shukriya terā tire aane se raunaq to baḌhī

varna ye mahfil-e-jazbāt adhūrī rahtī

shukriya tera tere aane se raunaq to baDhi

warna ye mahfil-e-jazbaat adhuri rahti

Unknown
ADVERTISEMENT

shukriya reshmī dilāse

tiir to aap ne bhī maarā thā

shukriya reshmi dilase ka

tir to aap ne bhi mara tha

Muzaffar Hanfi

shukriya vaa.iz jo mujh ko tark-e-mai salāh

ġhaur maiñ is par karūñgā hosh meñ aane ke ba.ad

shukriya waiz jo mujh ko tark-e-mai ki di salah

ghaur main is par karunga hosh mein aane ke baad

Jaleel Manikpuri

shukriya ai gardish-e-jām-e-sharāb

maiñ bharī mahfil meñ tanhā ho gayā

shukriya ai gardish-e-jam-e-sharab

main bhari mahfil mein tanha ho gaya

Salam Machhli shahri

kahāñ ke māhir-o-kāmil ho tum hunar meñ 'adīl'

tumhāre kaam to parvardigār kartā hai

kahan ke mahir-o-kaamil ho tum hunar mein 'adil'

tumhaare kaam to parwardigar karta hai

Adeel Zaidi
ADVERTISEMENT

ai be-ḳhudī salām tujhe terā shukriya

duniyā bhī mast mast hai uqbā bhī mast mast

ai be-KHudi salam tujhe tera shukriya

duniya bhi mast mast hai uqba bhi mast mast

Javed Saba

shukriyā tum ne bujhāyā mirī hastī charāġh

tum sazā-vār nahīñ tum ne to achchhā.ī

shukriya tum ne bujhaya meri hasti ka charagh

tum saza-war nahin tum ne to achchhai ki

Afeef Siraj