jaane kis vaqt kuuch karnā ho

apnā sāmān muḳhtasar rakhiye

jaane kis waqt kuch karna ho

apna saman muKHtasar rakhiye

rog hai husn kā yā koī na.ī sāzish hai

dekhte haiñ jo mujhe sab tirī dekhā-dekhī

rog hai husn ka ya koi nai sazish hai

dekhte hain jo mujhe sab teri dekha-dekhi

maiñ saarī talḳhiyoñ ke mushtahar hone se Dartī huuñ

ab is tanhā.ī kī sab ko ḳhabar hone se Dartī huuñ

main sari talKHiyon ke mushtahar hone se Darti hun

ab is tanhai ki sab ko KHabar hone se Darti hun

har udāsī meñ ka.ī rang utar aa.e haiñ

aaj phir terī nigāhoñ se jo duniyā dekhī

har udasi mein kai rang utar aae hain

aaj phir teri nigahon se jo duniya dekhi

bigaḌ kar jā rahe ho tum nihāyat shauq se jaao

zarā Thahro tumhāre dar-ba-dar hone se Dartī huuñ

bigaD kar ja rahe ho tum nihayat shauq se jao

zara Thahro tumhaare dar-ba-dar hone se Darti hun