niiñd se bedār hote hī huī roTī kī chaah

āñchaloñ meñ so ga.ī hai zindagī apnī jagah

nind se bedar hote hi hui roTi ki chah

aanchalon mein so gai hai zindagi apni jagah

zindagī khel bahut ḳhuub haiñ tere lekin

dil ko kuchh der nayā ḳhvāb dikhāyā jaa.e

zindagi khel bahut KHub hain tere lekin

dil ko kuchh der naya KHwab dikhaya jae

shab bhar vo merī bāhoñ se lipTā rahā magar

us vasl ke vo mujh se doshāle bhī le gayā

shab bhar wo meri bahon se lipTa raha magar

us wasl ke wo mujh se doshaale bhi le gaya

chashm-e-āhū kī qasam rone se dukhtā hai dil

terī palkoñ pe maiñ har shaam suhānī likh duuñ

chashm-e-ahu ki qasam rone se dukhta hai dil

teri palkon pe main har sham suhani likh dun

sab dekhte rahe haiñ tamāshā khaḌe khaḌe

hañs kar badan kī ḳhaak uḌātī rahī huuñ maiñ

sab dekhte rahe hain tamasha khaDe khaDe

hans kar badan ki KHak uDati rahi hun main

baat vo koī purānī chheḌte

guzrī shāmoñ kī kahānī chheḌte

baat wo koi purani chheDte

guzri shamon ki kahani chheDte

terī takmīl kī ḳhātir hī faqat ā.īne

ḳhud ko tayyār kiyā jaa.e zarūrī to nahīñ

teri takmil ki KHatir hi faqat aaine

KHud ko tayyar kiya jae zaruri to nahin

maiñ to nam ret kī mūrat kī tarah huuñ lekin

baa'd is ke mujhe patthar kā ḳhudā honā hai

main to nam ret ki murat ki tarah hun lekin

ba'd is ke mujhe patthar ka KHuda hona hai