kisī kī zulf ke saude meñ raat kī hai basar

kisī ke ruḳh ke tasavvur meñ din tamām kiyā

kisi ki zulf ke saude mein raat ki hai basar

kisi ke ruKH ke tasawwur mein din tamam kiya

na to maiñ huur kā maftūñ na parī kā āshiq

ḳhaak ke putle kā hai ḳhaak kā putlā āshiq

na to main hur ka maftun na pari ka aashiq

KHak ke putle ka hai KHak ka putla aashiq

jab us ne mirā ḳhat na chhuā haath se apne

qāsid ne bhī chipkā diyā dīvār se kāġhaz

jab us ne mera KHat na chhua hath se apne

qasid ne bhi chipka diya diwar se kaghaz

shab-e-vasl aaj vo tākīd karte haiñ mohabbat se

abhī so rahne do kuchh raat guzre to jagā lenā

shab-e-wasl aaj wo takid karte hain mohabbat se

abhi so rahne do kuchh raat guzre to jaga lena

sunā hai arsh-e-ilāhī isī ko kahte haiñ

tavāf-e-ka.aba-e-dil ham ne sub.h-o-shām kiyā

suna hai arsh-e-ilahi isi ko kahte hain

tawaf-e-kaba-e-dil hum ne subh-o-sham kiya

phaT jaate haiñ zaḳhm-e-dil-e-betāb ke añgūr

saaqī tire hāthoñ se jo sāġhar nahīñ miltā

phaT jate hain zaKHm-e-dil-e-betab ke angur

saqi tere hathon se jo saghar nahin milta

ziist ne murda banā rakkhā thā mujh ko hijr meñ

maut ne dikhlā diyā aa kar masīhā.ī kā rañg

zist ne murda bana rakkha tha mujh ko hijr mein

maut ne dikhla diya aa kar masihai ka rang

nāḳhun kā rañg sīna-ḳharāshī se ye huā

surḳhī shafaq se aatī hai jaise hilāl par

naKHun ka rang sina-KHarashi se ye hua

surKHi shafaq se aati hai jaise hilal par

kundanī rañg kā maiñ kushta huuñ

kyuuñ na ho merī za.afrānī ḳhaak

kundani rang ka main kushta hun

kyun na ho meri zafrani KHak