jab us ne mirā ḳhat na chhuā haath se apne

qāsid ne bhī chipkā diyā dīvār se kāġhaz

jab us ne mera KHat na chhua hath se apne

qasid ne bhi chipka diya diwar se kaghaz

kundanī rañg kā maiñ kushta huuñ

kyuuñ na ho merī za.afrānī ḳhaak

kundani rang ka main kushta hun

kyun na ho meri zafrani KHak

na to maiñ huur kā maftūñ na parī kā āshiq

ḳhaak ke putle kā hai ḳhaak kā putlā āshiq

na to main hur ka maftun na pari ka aashiq

KHak ke putle ka hai KHak ka putla aashiq

nāḳhun kā rañg sīna-ḳharāshī se ye huā

surḳhī shafaq se aatī hai jaise hilāl par

naKHun ka rang sina-KHarashi se ye hua

surKHi shafaq se aati hai jaise hilal par

sunā hai arsh-e-ilāhī isī ko kahte haiñ

tavāf-e-ka.aba-e-dil ham ne sub.h-o-shām kiyā

suna hai arsh-e-ilahi isi ko kahte hain

tawaf-e-kaba-e-dil hum ne subh-o-sham kiya