قمر عباس قمر 12 مئی 1993 کو ضلع مؤ، اتر پردیش کےگھوسی میں ایک متوسط پس منظر  والے خاندان میں  پیدا ہوئے۔ بچپن ہی سے ان کا رجحان اردو شاعری کی طرف تھا اور وہ اپنے گاؤں میں ادبی محفلوں میں اکثر شرکت کرتے تھے۔ ابتدائی تعلیم اپنے گاؤں سے حاصل کرنے کے بعد، انہوں نے لکھنؤ یونیورسٹی سے فارسی زبان و ادب میں ماسٹرز کی ڈگری حاصل کی۔
وہ نرمی و لطافت کے شاعر ہیں اور اپنے اشعار کو بڑے ہنر کے ساتھ ملک بھر کے مشاعروں میں سناتے ہیں۔ وہ مسلسل اشعار تخلیق کر رہے ہیں اور ان کی پہلی شعری کتاب جلد شائع ہونے والی ہے۔