ajab tarah kī hai duniyā ba-rañg-e-bū-qalamūñ

ki hai har ek judāgāna al-amāñ tanhā

ajab tarah ki hai duniya ba-rang-e-bu-qalamun

ki hai har ek judagana al-aman tanha

ishq hai ai dil kaThin kuchh ḳhāna-e-ḳhāla nahīñ

rakh dilerāna qadam tā tujh ko ho imdād-e-dād

ishq hai ai dil kaThin kuchh KHana-e-KHala nahin

rakh dilerana qadam ta tujh ko ho imdad-e-dad

kaam hai matlab se chāhe kufr hove yā ki diiñ

jā pahuñchnā hai kisī sūrat se apne yaar tak

kaam hai matlab se chahe kufr howe ya ki din

ja pahunchna hai kisi surat se apne yar tak

mujhe ḳhushī ki giraftār maiñ huā terā

to shaad ho ki hai aisā shikār asiir mirā

mujhe KHushi ki giraftar main hua tera

to shad ho ki hai aisa shikar asir mera

sharāb sāqī-e-kausar se liijo 'āfrīdī'

ye bāda-noshī-e-duniyā hai tujh ko nañg-e-sharāb

sharab saqi-e-kausar se lijo 'afridi'

ye baada-noshi-e-duniya hai tujh ko nang-e-sharab