shukr shāmil na ho to har ne'mat

aadmī ko qalīl lagtī hai

shukr shamil na ho to har ne'mat

aadmi ko qalil lagti hai

tumhāre qahqahoñ ke baa'd 'qāsim'

mirā ghar der tak rotā rahegā

tumhaare qahqahon ke ba'd 'qasim'

mera ghar der tak rota rahega

'ajab duniyā hai apnī

ki mar jaatī haiñ maa.eñ

'ajab duniya hai apni

ki mar jati hain maen

mujh ko jiinā vahāñ qubūl nahīñ

jis jagah mid.hat-e-rasūl nahīñ

mujh ko jina wahan qubul nahin

jis jagah midhat-e-rasul nahin

TuuT saktā nahīñ tirī ḳhātir

aadmī huuñ koī usuul nahīñ

TuT sakta nahin teri KHatir

aadmi hun koi usul nahin

kitnī pur-kaif zindagī hai abhī

terī tasvīr boltī hai abhī

kitni pur-kaif zindagi hai abhi

teri taswir bolti hai abhi

ye be-tartīb sī duniyā hai is ko

miTā kar phir banānā chāhtā huuñ

ye be-tartib si duniya hai is ko

miTa kar phir banana chahta hun

zarra zarra pukārtā hai ahad

jab shahādat bilāl detā hai

zarra zarra pukarta hai ahad

jab shahadat bilal deta hai

ujaaḌ manzar paḌe the banjar na mushk-bū the na ḳhūb-rū the

jab is jahāñ ko sañvārne kā ḳhayāl aayā mujhe banāyā

ujaD manzar paDe the banjar na mushk-bu the na KHub-ru the

jab is jahan ko sanwarne ka KHayal aaya mujhe banaya