tum ne hañste mujhe dekhā hai tumheñ kyā ma.alūm

karnī paḌtī hai adā kitnī hañsī kī qīmat

tum ne hanste mujhe dekha hai tumhein kya malum

karni paDti hai ada kitni hansi ki qimat

sab ke liye savāl ye kab hai ki kyā na ho

un ko to mujh se zid hai ki merā kahā na ho

sab ke liye sawal ye kab hai ki kya na ho

un ko to mujh se zid hai ki mera kaha na ho

chaudhvīñ kā chāñd phūloñ kī mahak ThanDī havā

raat us kāfir adā kī aisī yaad aa.ī ki bas

chaudhwin ka chand phulon ki mahak ThanDi hawa

raat us kafir ada ki aisi yaad aai ki bas

aaj vahshat se mirī ghabrā ga.e vo bhī 'ra.īs'

aaj to ḳhud par mujhe itnī hañsī aa.ī ki bas

aaj wahshat se meri ghabra gae wo bhi 'rais'

aaj to KHud par mujhe itni hansi aai ki bas

ab bhī koh-e-tūr par goyā zabān-e-hāl se

hai koī aur us ke jalve kā tamannā.ī ki bas

ab bhi koh-e-tur par goya zaban-e-haal se

hai koi aur us ke jalwe ka tamannai ki bas