میں سامنے سے اٹھا اور لو لرزنے لگی

چراغ جیسے کوئی بات کرنے والا تھا

ایک مجذوب اداسی میرے اندر گم ہے

اس سمندر میں کوئی اور سمندر گم ہے

دھوپ چھاؤں کا کوئی کھیل ہے بینائی بھی

آنکھ کو ڈھونڈ کے لایا ہوں تو منظر گم ہے

کس نے روکا ہے سر راہ محبت تم کو

تمہیں نفرت ہے تو نفرت سے تم آؤ جاؤ

پڑا ہوا ہوں میں سجدے میں کہہ نہیں پاتا

وہ بات جس سے کہ ہلکا ہو کچھ زبان کا بوجھ

تو خود اپنی مثال ہے وہ تو ہے

اسی اپنی مثال میں مجھے مل

آئینے کو توڑا ہے تو معلوم ہوا ہے

گزرا ہوں کسی دشت خطرناک سے آگے

ایک دن اپنا صحیفہ مجھ پہ نازل ہو گیا

اس کو پڑھتے ہی مری ساری خطائیں مر گئیں

ایک اجڑی ہوئی حسرت ہے کہ پاگل ہو کر

بین ہر شہر میں کرتی ہوئی دیکھی گئی ہے

اگرچہ وقت مناجات کرنے والا تھا

مرا مزاج سوالات کرنے والا تھا