پہلے ہم کو بہن کہا اب فکر ہمیں سے شادی کی

یہ بھی نہ سوچا بہن سے شادی کر کے کیا کہلائیں گے

کس کی آنکھوں سے گرا ہے یہ

یہ سمندر ہے بڑا سا آنسو

اڑا لیتی ہیں سب نقدی تلاشی جیب کی لے کر

ہم اپنی ہی کمائی ان سے ڈر ڈر کے چھپاتے ہیں

وہ سب آ کے اظہار ماتم کریں گے

وہ بیٹھک میں روئیں گے چائے پئیں گے

جب اپنا دکھ سناؤں قمر کے پدر کو میں

کہتے ہیں دیکھ آگ لگا دوں گا گھر کو میں

ذوقؔ کتنے روپے کماتا تھا

اپنی بیوی سے کیوں چھپاتا تھا

کر لیجے رضیہؔ سے محبت ہم پر کیجے نظر کرم

وہ بے چاری پھنس جائے گی ہم اس کو سمجھائیں گے

خدایا آج کے شوہر ہیں یا معصوم بچے ہیں

ذرا سا گھور لے بیوی تو جھٹ یہ سہم جاتے ہیں

میں تم پہ ہوں جاں نثار اخترؔ قسم ہے 'منشی فدا علی' کی

بہت دنوں سے میں تم پہ ساحرؔ سے جادو ٹونے کرا رہا ہوں

اگر ہو تم 'ہاجرہ' تو پھر مجھ سے مل کے 'مسرور' کیوں نہیں ہو

تمہارے آگے 'اوپندر ناتھ اشک' بن کے آنسو بہا رہا ہوں

بری بری نظریں چہرے پر ڈال رہے ہیں اف توبہ

ہم اپنے دونوں گالوں کو جا کے ابھی دھو آئیں گے

بلو کو چپ کراؤں کہ ماروں قمر کو میں

فرش زمین دھوؤں کہ مانجوں ککر کو میں

بسم اللہ ارے واہ میں قربان میں قربان

کیا خوب لگی ہے کمند اللہ تری شان

شیروں کی طرح ٹوٹ پڑے آ کے میز پر

جو چیز بھی ملی وہ چباتے چلے گئے