mujh ko kaafī hai bas ik terā muāfiq honā

saarī duniyā bhī muḳhālif ho to kyā hotā hai

mujh ko kafi hai bas ek tera muafiq hona

sari duniya bhi muKHalif ho to kya hota hai

ilm hāsil kar ke bhī miltī nahīñ hai naukrī

rahm ke qābil hai bas hālat hamārī in dinoñ

ilm hasil kar ke bhi milti nahin hai naukri

rahm ke qabil hai bas haalat hamari in dinon

butoñ meñ kis balā kī hai kashish allāh hī jaane

chale the shauq-e-ka.aba meñ sanam-ḳhāne meñ jā nikle

buton mein kis bala ki hai kashish allah hi jaane

chale the shauq-e-kaba mein sanam-KHane mein ja nikle

dikhā kar zahr kī shīshī kahā 'ranjūr' se us ne

ajab kyā terī bīmārī kī ye hakmī davā nikle

dikha kar zahr ki shishi kaha 'ranjur' se us ne

ajab kya teri bimari ki ye hakmi dawa nikle

agar chilman ke bāhar vo but-e-kāfir-adā nikle

zabān-e-shaiḳh se salle-alā salle-alā nikle

agar chilman ke bahar wo but-e-kafir-ada nikle

zaban-e-shaiKH se salle-ala salle-ala nikle

huiiñ āzād qaid-e-shar.a se ta.alīm ke sadqe

pakaḌ kar dast-e-nā-mahram na kyuuñ utreñ vo TamTam se

huin aazad qaid-e-shara se talim ke sadqe

pakaD kar dast-e-na-mahram na kyun utren wo TamTam se

detā hai mujh ko charḳh-e-kuhan baar baar daaġh

uf ek merā siina hai us par hazār daaġh

deta hai mujh ko charKH-e-kuhan bar bar dagh

uf ek mera sina hai us par hazar dagh

ġharaz ki vaqtoñ meñ ham ne aksar lagā.ī hai muslimoñ se yaarī

magar ġharaz jab rahī na baaqī to un se nāhaq ulajh paḌe haiñ

gharaz ki waqton mein hum ne aksar lagai hai muslimon se yari

magar gharaz jab rahi na baqi to un se nahaq ulajh paDe hain

hotā hai saaf rū-e-kitābī se ye ayaañ

kāfir hai go vo but magar ahl-e-kitāb hai

hota hai saf ru-e-kitabi se ye ayan

kafir hai go wo but magar ahl-e-kitab hai