عمر بھر تجھ کو دیکھنے پر بھی

ذوق نظارہ کم نہیں ہوتا

دل میں کوئی خوشی نہیں لیکن

عادتاً مسکرا رہا ہوں میں

جی رہا ہوں کچھ اس طرح جیسے

آگ لگ جائے اور ہو نہ دھواں

تو مری بات کا جواب نہ دے

میں سمجھتا ہوں خامشی کی زباں

غم حیات سے اتنی بھی ہے کہاں فرصت

کہ تیری یاد میں جی بھر کے رو لیا جائے

اب اس مقام پہ لائی ہے زندگی مجھ کو

کہ چاہتا ہوں تجھے بھی بھلا دیا جائے

مجھے بھی یوں تو بڑی آرزو ہے جینے کی

مگر سوال یہ ہے کس طرح جیا جائے

جلتا رہا ہوں زیست کے دوزخ میں عمر بھر

یہ اور بات ہے مری کوئی خطا نہیں