Sher of Safar Naqvi
ham aise jā.eñge le kar balā.eñ duniyā kī
kahīñ na hogā koī hādisa hamāre baad
hum aise jaenge le kar balaen duniya ki
kahin na hoga koi hadisa hamare baad
-
Tag : Attitude
-
Share this
- See Ghazal
- Critique
- Comments
- Download
ham se tai hogā zamāne meñ bulandī kā vaqār
nok-e-neza se bhī ham nīche nahīñ dekheñge
hum se tai hoga zamane mein bulandi ka waqar
nok-e-neza se bhi hum niche nahin dekhenge
-
Tag : Karbala
-
Share this
- See Ghazal
- Critique
- Comments
- Download
idhar vo sahrā meñ ḳhaak dhuntā udhar vo dariyā kināre gum-sum
ajiib hote haiñ ye ta'alluq musāfiroñ ke musāfiroñ se
idhar wo sahra mein KHak dhunta udhar wo dariya kinare gum-sum
ajib hote hain ye ta'alluq musafiron ke musafiron se
-
Share this
- See Ghazal
- Critique
- Comments
- Download
udaas āñkhoñ kī vīrān maañg bharne ko
ye niiñd ḳhvāb kā sindūr le ke aa.ī hai
udas aankhon ki viran mang bharne ko
ye nind KHwab ka sindur le ke aai hai
ḳhuub jāntā hai ye ik faqīr hāthoñ meñ
kab hai be-kasī rakhnā kab hai mo'jiza rakhnā
KHub jaanta hai ye ek faqir hathon mein
kab hai be-kasi rakhna kab hai mo'jiza rakhna
ujāle din meñ banāte haiñ tīrgī kī qabā
añdhere raat ko silte haiñ raushnī kā libās
ujale din mein banate hain tirgi ki qaba
andhere raat ko silte hain raushni ka libas
tum nāsiya-farsā.ī ko dar DhūñDne jaao
ham naqsh-e-kaf-e-pā-e-anā chuum rahe haiñ
tum nasiya-farsai ko dar DhunDne jao
hum naqsh-e-kaf-e-pa-e-ana chum rahe hain
-
Tag : Attitude
-
Share this
- See Ghazal
- Critique
- Comments
- Download
ham vo parvarda-e-ālām-e-zamāna haiñ ki jo
sāya-e-gardish-e-daurāñ meñ javāñ hote haiñ
hum wo parwarda-e-alam-e-zamana hain ki jo
saya-e-gardish-e-dauran mein jawan hote hain
ik yaad sar-e-shām safar kartī rahegī
aur qarya-e-jāñ kū-e-butāñ hotā rahegā
ek yaad sar-e-sham safar karti rahegi
aur qarya-e-jaan ku-e-butan hota rahega
ham vo parvarda-e-ālām-e-zamāna haiñ ki jo
sāya-e-gardish-e-daurāñ meñ javāñ hote haiñ
hum wo parwarda-e-alam-e-zamana hain ki jo
saya-e-gardish-e-dauran mein jawan hote hain
vādī-e-aiman meñ ham āñkhoñ ko hāthoñ meñ liye
shauq se sadqa utāreñge tirī tasvīr kā
wadi-e-aiman mein hum aankhon ko hathon mein liye
shauq se sadqa utarenge teri taswir ka
-
Tag : Tasweer
-
Share this
- See Ghazal
- Critique
- Comments
- Download