aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر
Saghar Nizami's Photo'

ساغر نظامی

1905 - 1984 | دلی, انڈیا

ممتاز مقبول عام شاعر، حب الوطنی کے نظموں کے لئے مشہور ، پدم بھوشن کا اعزار

ممتاز مقبول عام شاعر، حب الوطنی کے نظموں کے لئے مشہور ، پدم بھوشن کا اعزار

ساغر نظامی کے اشعار

1.2K
Favorite

باعتبار

تیرے نغموں سے ہے رگ رگ میں ترنم پیدا

عشرت روح ہے ظالم تری آواز نہیں

آنکھ تمہاری مست بھی ہے اور مستی کا پیمانہ بھی

ایک چھلکتے ساغر میں مے بھی ہے اور مے خانہ بھی

سجدے مری جبیں کے نہیں اس قدر حقیر

کچھ تو سمجھ رہا ہوں ترے آستاں کو میں

دل کی بربادیوں کا رونا کیا

ایسے کتنے ہی واقعات ہوئے

لاؤ اک سجدہ کروں عالم بد مستی میں

لوگ کہتے ہیں کہ ساغرؔ کو خدا یاد نہیں

وہ مری خاک نشینی کے مزے کیا جانے

جو مری طرح تری راہ میں برباد نہیں

ڈھونڈھنے کو تجھے او میرے نہ ملنے والے

وہ چلا ہے جسے اپنا بھی پتا یاد نہیں

کافر گیسو والوں کی رات بسر یوں ہوتی ہے

حسن حفاظت کرتا ہے اور جوانی سوتی ہے

خراماں خراماں معطر معطر

نسیم آ رہی ہے کہ وہ آ رہے ہیں

یہی صہبا یہی ساغر یہی پیمانہ ہے

چشم ساقی ہے کہ مے خانے کا مے خانہ ہے

گل اپنے غنچے اپنے گلستاں اپنا بہار اپنی

گوارا کیوں چمن میں رہ کے ظلم باغباں کر لیں

تخلیق اندھیروں سے کئے ہم نے اجالے

ہر شب کو اک ایوان سحر ہم نے بنایا

سیلاب تبسم سے درمان جراحت کر

ٹکڑے دل بسمل کے آلودۂ خوں کب تک

نظر کرم کی فراوانیوں پہ پڑتی ہے

پھر اپنے دامن خاکی کو دیکھتا ہوں میں

حسن نے دست کرم کھینچ لیا ہے کیا خوب

اب مجھے بھی ہوس لذت آزار نہیں

حیرت سے تک رہا ہے جہان وفا مجھے

تم نے بنا دیا ہے محبت میں کیا مجھے

وہ سوال لطف پر پتھر نہ برسائیں تو کیوں

ان کو پروائے شکست کاسۂ سائل نہیں

Recitation

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
بولیے