hai ek umr se ḳhvāhish ki duur jā ke kahīñ

maiñ ḳhud ko ajnabī logoñ ke darmiyāñ dekhūñ

hai ek umr se KHwahish ki dur ja ke kahin

main KHud ko ajnabi logon ke darmiyan dekhun

mere baare meñ jo sunā tū ne

merī bātoñ kā ek hissa hai

mere bare mein jo suna tu ne

meri baaton ka ek hissa hai

sab savāloñ ke javāb ek se ho sakte haiñ

ho to sakte haiñ magar aisā kahāñ hotā hai

sab sawalon ke jawab ek se ho sakte hain

ho to sakte hain magar aisa kahan hota hai

un se bachnā ki bichhāte haiñ panāheñ pahle

phir yahī log kahīñ kā nahīñ rahne dete

un se bachna ki bichhate hain panahen pahle

phir yahi log kahin ka nahin rahne dete

zamāne bhar se ulajhte haiñ jis kī jānib se

akele-pan meñ use ham bhī kyā nahīñ kahte

zamane bhar se ulajhte hain jis ki jaanib se

akele-pan mein use hum bhi kya nahin kahte