tarāshte haiñ jo patthar ko saḳht garmī meñ

phir un kā rizq batāo halāl hai ki nahīñ

tarashte hain jo patthar ko saKHt garmi mein

phir un ka rizq batao halal hai ki nahin

tumhīñ chāñdnī ho tumhīñ māh-pāra

tumhīñ se to raushan ye saarā jahāñ hai

tumhin chandni ho tumhin mah-para

tumhin se to raushan ye sara jahan hai

phuul se rafāqat kī ek aas paalī thī

taar taar dāman hai zindagī ke ḳhāroñ se

phul se rafaqat ki ek aas pali thi

tar tar daman hai zindagi ke KHaron se

zindagī ke aise nāzuk moḌ par maiñ aa gayā

paaoñ meñ Thokar lage yā na lage gir jā.ūñgā

zindagi ke aise nazuk moD par main aa gaya

paon mein Thokar lage ya na lage gir jaunga

jis pe itrā ke roz chalte ho

us ke nīche to paanī paanī hai

jis pe itra ke roz chalte ho

us ke niche to pani pani hai

vahm hai ye ki mirī had meñ amaañ rahte haiñ

mujh meñ sau fitne ba-andāz-e-bayāñ rahte haiñ

wahm hai ye ki meri had mein aman rahte hain

mujh mein sau fitne ba-andaz-e-bayan rahte hain