سالم حسین (تخلص: سالمؔ) کی پیدائش اور پرورش لکھنؤ میں ہوئی، جو ادب اور تہذیب کا گہوارہ سمجھا جاتا ہے۔ انہوں نے اردو کی ابتدائی تعلیم مدرسے اور گھر پر ایک معلم کی رہنمائی میں حاصل کی، جس سے زبان و ادب سے ان کی گہری وابستگی پروان چڑھی۔ کمپیوٹر سائنس میں پوسٹ گریجویشن مکمل کرنے کے بعد وہ مشرقِ وسطیٰ منتقل ہوئے اور اس وقت قطر میں مقیم ہیں۔ ان کے شعری سفر میں اقبال رضوی (شارب) کی رہنمائی اور ڈاکٹر سبطِ حسن (لکھنؤ) کی حوصلہ افزائی شامل رہی ہے۔ وہ یوٹیوب چینل ’’دبستانِ ادب‘‘ کے ذریعے بھی اپنی منتخب اردو شاعری پیش کرتے ہیں۔