ek tum ho ki tumheñ sochnā aatā hī nahīñ

ek ham haiñ ki bahut soch ke nuqsān meñ haiñ

ek tum ho ki tumhein sochna aata hi nahin

ek hum hain ki bahut soch ke nuqsan mein hain

hoñT apne haiñ daañt bhī apne

kyā shikāyat kareñ kisī se ham

honT apne hain dant bhi apne

kya shikayat karen kisi se hum

tere kahne se chup nahīñ huuñ maiñ

jāntā huuñ ki bolnā kab hai

tere kahne se chup nahin hun main

jaanta hun ki bolna kab hai

kitnā dushvār lag rahā thā safar

dekho ham aa ga.e vahāñ se yahāñ

kitna dushwar lag raha tha safar

dekho hum aa gae wahan se yahan

ab tire shahr meñ rahnā koī āsān kahāñ

sab mujhe tere havāle hī se pahchānte haiñ

ab tere shahr mein rahna koi aasan kahan

sab mujhe tere hawale hi se pahchante hain