mujhe dekhnā hai kis se mirā shahr hogā raushan

vo makāñ jalā rahe haiñ maiñ diye jalā rahī huuñ

mujhe dekhna hai kis se mera shahr hoga raushan

wo makan jala rahe hain main diye jala rahi hun

haal kyā dil kā hai iz.hār se raushan hogā

yā'nī kirdār to kirdār se raushan hogā

haal kya dil ka hai izhaar se raushan hoga

ya'ni kirdar to kirdar se raushan hoga

bus mujhe be-vafā keh dījiye mar jā.ūñgī

aap par qatl kī tohmat bhī nahīñ aa.egī

bus mujhe be-wafa keh dijiye mar jaungi

aap par qatl ki tohmat bhi nahin aaegi

raat din aap charāġhoñ ko jalāte kyoñ haiñ

ghar charāġhoñ se nahīñ pyaar se raushan hogā

raat din aap charaghon ko jalate kyon hain

ghar charaghon se nahin pyar se raushan hoga