is rañg badaltī duniyā meñ pahchān baḌī hī mushkil hai

ye kis ko ḳhabar hai ai 'shāhid' kis bhes meñ kaun luTerā hai

is rang badalti duniya mein pahchan baDi hi mushkil hai

ye kis ko KHabar hai ai 'shahid' kis bhes mein kaun luTera hai

terī fayyāzī ke the charche bahut maiñ ne sune

phir bhī tere mai-kade se tishna-kām aayā huuñ maiñ

teri fayyazi ke the charche bahut main ne sune

phir bhi tere mai-kade se tishna-kaam aaya hun main

tujhe is gaañv se jaanā hai ik din

havelī kyuuñ banānā chāhtā hai

tujhe is ganw se jaana hai ek din

haweli kyun banana chahta hai

mājhī ne Duboyā hai lahroñ ne uchhālā hai

gardish ke samundar kā dastūr nirālā hai

majhi ne Duboya hai lahron ne uchhaala hai

gardish ke samundar ka dastur nirala hai

muflisoñ kī bastī ko bekasī ne gherā hai

har taraf udāsī hai zulmatoñ kā Derā hai

muflison ki basti ko bekasi ne ghera hai

har taraf udasi hai zulmaton ka Dera hai

sau diye jalā.e haiñ dostoñ ke āñgan meñ

phir bhī mere āñgan meñ har taraf añdherā hai

sau diye jalae hain doston ke aangan mein

phir bhi mere aangan mein har taraf andhera hai

zulm sah ke bhī maiñ ne hoñT sī liye 'ġhāzī'

ek zarf un kā hai ek zarf merā hai

zulm sah ke bhi main ne honT si liye 'ghazi'

ek zarf un ka hai ek zarf mera hai