bujhā hai dil to na samjho ki bujh gayā ġham bhī

ki ab charāġh ke badle charāġh kī lau hai

bujha hai dil to na samjho ki bujh gaya gham bhi

ki ab charagh ke badle charagh ki lau hai

yād-e-māzī ġham-e-imroz umīd-e-fardā

kitne saa.e mire hamrāh chalā karte haiñ

yaad-e-mazi gham-e-imroz umid-e-farda

kitne sae mere hamrah chala karte hain

chup huuñ tumhārā dard-e-mohabbat liye hue

sab pūchhte haiñ tum ne zamāne se kyā liyā

chup hun tumhaara dard-e-mohabbat liye hue

sab puchhte hain tum ne zamane se kya liya

lījiye bulā liyā aap ko ḳhayāl meñ

ab to dekhiye hameñ koī dekhtā nahīñ

lijiye bula liya aap ko KHayal mein

ab to dekhiye hamein koi dekhta nahin

piine ko is jahān meñ kaun sī mai nahīñ magar

ishq jo bāñTtā hai vo āb-e-hayāt aur hai

pine ko is jahan mein kaun si mai nahin magar

ishq jo banTta hai wo aab-e-hayat aur hai

be-ḳhabar phuul ko bhī khīñch ke patthar pe na maar

ki dil-e-sañg meñ ḳhvābīda sanam hotā hai

be-KHabar phul ko bhi khinch ke patthar pe na mar

ki dil-e-sang mein KHwabida sanam hota hai

vo dil bhī jalāte haiñ rakh dete haiñ marham bhī

kyā turfa tabī.at hai shola bhī haiñ shabnam bhī

wo dil bhi jalate hain rakh dete hain marham bhi

kya turfa tabiat hai shola bhi hain shabnam bhi