یاد ماضی غم امروز امید فردا

کتنے سائے مرے ہم راہ چلا کرتے ہیں

لیجئے بلا لیا آپ کو خیال میں

اب تو دیکھیے ہمیں کوئی دیکھتا نہیں

پینے کو اس جہان میں کون سی مے نہیں مگر

عشق جو بانٹتا ہے وہ آب حیات اور ہے

چپ ہوں تمہارا درد محبت لیے ہوئے

سب پوچھتے ہیں تم نے زمانے سے کیا لیا

بجھا ہے دل تو نہ سمجھو کہ بجھ گیا غم بھی

کہ اب چراغ کے بدلے چراغ کی لو ہے

بے خبر پھول کو بھی کھینچ کے پتھر پہ نہ مار

کہ دل سنگ میں خوابیدہ صنم ہوتا ہے