bazm-e-duniyā meñ nahīñ naam ko jam.iyyat-e-dil

mutma.in aa.e the ham aur pareshāñ nikle

bazm-e-duniya mein nahin nam ko jamiyyat-e-dil

mutmain aae the hum aur pareshan nikle

aap hoñ jalva-numā raat ko mahtābī par

ham bhī to dekheñ ki kyoñ kar mah-e-tābāñ nikle

aap hon jalwa-numa raat ko mahtabi par

hum bhi to dekhen ki kyon kar mah-e-taban nikle

aap kī bazm meñ ham aap se milne ke liye

ḳhush ḳhush aa.e the magar kyā hī pashemāñ nikle

aap ki bazm mein hum aap se milne ke liye

KHush KHush aae the magar kya hi pasheman nikle