badalnā paḌtā hai ḳhud ko bhī saath saath 'vaqī'

ghaḌī pahan ke badaltā hai bas ghaḌī kā samay

badalna paDta hai KHud ko bhi sath sath 'waqi'

ghaDi pahan ke badalta hai bas ghaDi ka samay

bichhā ke bistar-e-dil par hasad ke kāñTe 'vaqī'

sukūn-e-qalb ke hone kī aarzū kaisī

bichha ke bistar-e-dil par hasad ke kanTe 'waqi'

sukun-e-qalb ke hone ki aarzu kaisi

itnā bhī mat khulo ke tumheñ log paḌh sakeñ

itnā bhī mat chhupo ki tumheñ DhūñDnā paḌe

itna bhi mat khulo ke tumhein log paDh saken

itna bhi mat chhupo ki tumhein DhunDna paDe

kapḌe phaT kar ḳhasta the kambal thā ghar meñ oḌh liyā

log samajh baiThe mujh ko garmī meñ sardī lagtī hai

kapDe phaT kar KHasta the kambal tha ghar mein oDh liya

log samajh baiThe mujh ko garmi mein sardi lagti hai