yahāñ bhī niiñd aa jaatī hai aksar

thakan kī god maañ se kam nahīñ hai

yahan bhi nind aa jati hai aksar

thakan ki god man se kam nahin hai

kisī kī baat kisī ko batānā ġhībat hai

vagarna sab ke ravayye ḳhudā se keh detā

kisi ki baat kisi ko batana ghibat hai

wagarna sab ke rawayye KHuda se keh deta

dil ye insān kā har chiiz se bhar jaatā hai

qadr kho detā hai har vaqt mayassar honā

dil ye insan ka har chiz se bhar jata hai

qadr kho deta hai har waqt mayassar hona

har koī rah se haTā detā hai Thokar se 'vaqī'

kitnā dushvār hai ik 'aam sā patthar honā

har koi rah se haTa deta hai Thokar se 'waqi'

kitna dushwar hai ek 'am sa patthar hona

itnā bhī mat khulo ke tumheñ log paḌh sakeñ

itnā bhī mat chhupo ki tumheñ DhūñDnā paḌe

itna bhi mat khulo ke tumhein log paDh saken

itna bhi mat chhupo ki tumhein DhunDna paDe

bichhā ke bistar-e-dil par hasad ke kāñTe 'vaqī'

sukūn-e-qalb ke hone kī aarzū kaisī

bichha ke bistar-e-dil par hasad ke kanTe 'waqi'

sukun-e-qalb ke hone ki aarzu kaisi

badalnā paḌtā hai ḳhud ko bhī saath saath 'vaqī'

ghaḌī pahan ke badaltā hai bas ghaḌī kā samay

badalna paDta hai KHud ko bhi sath sath 'waqi'

ghaDi pahan ke badalta hai bas ghaDi ka samay

kapḌe phaT kar ḳhasta the kambal thā ghar meñ oḌh liyā

log samajh baiThe mujh ko garmī meñ sardī lagtī hai

kapDe phaT kar KHasta the kambal tha ghar mein oDh liya

log samajh baiThe mujh ko garmi mein sardi lagti hai