hai zaatī soch zarūrī ye zehn meñ rakhnā

dimāġh ḳhālī ho tab log kaan bharte haiñ

hai zati soch zaruri ye zehn mein rakhna

dimagh KHali ho tab log kan bharte hain

un kī dilchaspī hai zamīnoñ meñ

ab vo rishta nahīñ makīnoñ meñ

un ki dilchaspi hai zaminon mein

ab wo rishta nahin makinon mein

us ke ghar se maiñ ho ke aayā huuñ

ab kahīñ jā ke dil ye sañbhlā hai

us ke ghar se main ho ke aaya hun

ab kahin ja ke dil ye sanbhla hai

ye saarā shahr lagtā hai savālī ho gayā hai

qanā'at kā ḳhazāna bhī to ḳhālī ho gayā hai

ye sara shahr lagta hai sawali ho gaya hai

qana'at ka KHazana bhi to KHali ho gaya hai