Taimur Hasan's Photo'

Taimur Hasan

1974 | Punjab, Pakistan

255
Favorite

SORT BY

ham duniyā se jab tañg aayā karte haiñ

apne saath ik shaam manāyā karte haiñ

hum duniya se jab tang aaya karte hain

apne sath ek sham manaya karte hain

mirī tavajjoh faqat mire kaam par rahegī

maiñ ḳhud ko sābit karūñgā da.avā nahīñ karūñgā

meri tawajjoh faqat mere kaam par rahegi

main KHud ko sabit karunga dawa nahin karunga

safar meñ hotī hai pahchān kaun kaisā hai

ye aarzū thī mire saath safar kartā

safar mein hoti hai pahchan kaun kaisa hai

ye aarzu thi mere sath tu safar karta

phir jo karne lagā hai va.ada

kyā mukarne phir irāda hai

phir jo karne laga hai tu wada

kya mukarne ka phir irada hai

utaar lafzoñ ik zaḳhīra ġhazal ko taaza ḳhayāl de de

ḳhud apnī shohrat pe rashk aa.e suḳhan meñ aisā kamāl de de

utar lafzon ka ek zaKHira ghazal ko taza KHayal de de

KHud apni shohrat pe rashk aae suKHan mein aisa kamal de de

tujhe maiñ apnā nahīñ samajhtā isī liye to

zamāne tujh se maiñ koī shikva nahīñ karūñgā

tujhe main apna nahin samajhta isi liye to

zamane tujh se main koi shikwa nahin karunga

maiñ ne baḳhsh tirī kyuuñ ḳhatā tujhe ilm hai

tujhe hai kitnī kaḌī sazā tujhe ilm hai

main ne baKHsh di teri kyun KHata tujhe ilm hai

tujhe di hai kitni kaDi saza tujhe ilm hai

sūraj ke us jānib basne vaale log

aksar ham ko paas bulāyā karte haiñ

suraj ke us jaanib basne wale log

aksar hum ko pas bulaya karte hain

zindagī jañg hai a.asāb aur ye bhī suno

ishq a.asāb ko mazbūt banā detā hai

zindagi jang hai aasab ki aur ye bhi suno

ishq aasab ko mazbut bana deta hai

zindagī bhar riyāzat mirī be-kār ga.ī

ik ḳhayāl aayā thā badle meñ vo kyā detā hai

zindagi bhar ki riyazat meri be-kar gai

ek KHayal aaya tha badle mein wo kya deta hai

ye jañg jiit hai kis ye haar kis hai

ye faisla mirī TuuTī kamān se hogā

ye jang jit hai kis ki ye haar kis ki hai

ye faisla meri TuTi kaman se hoga

makāñ se hogā kabhī lā-makān se hogā

mirā ye ma.arka donoñ jahān se hogā

makan se hoga kabhi la-makan se hoga

mera ye marka donon jahan se hoga

ḳhushī zarūr thī 'taimūr' din nikalne

magar ye ġham bhī sivā thā ki raat biit ga.ī

KHushi zarur thi 'taimur' din nikalne ki

magar ye gham bhi siwa tha ki raat bit gai