vo ek lamha jise tum ne muḳhtasar jaanā

ham aaise lamhe meñ ik dāstāñ banāte haiñ

wo ek lamha jise tum ne muKHtasar jaana

hum aaise lamhe mein ek dastan banate hain

safar hī bas kār-e-zindagī hai

azaab kyā hai savāb kyā hai

safar hi bas kar-e-zindagi hai

azab kya hai sawab kya hai

ye shahr apnī isī hāv-hū se zinda hai

tumhārī aur mirī guftugū se zinda hai

ye shahr apni isi haw-hu se zinda hai

tumhaari aur meri guftugu se zinda hai

inkār bhī karne kā bahāna nahīñ miltā

iqrār bhī karne kā mazā dekh rahe haiñ

inkar bhi karne ka bahana nahin milta

iqrar bhi karne ka maza dekh rahe hain

use kahāñ hameñ qaidī banā ke rakhnā thā

hamīñ ko shauq nahīñ thā kabhī rihā.ī kā

use kahan hamein qaidi bana ke rakhna tha

hamin ko shauq nahin tha kabhi rihai ka