Sher of Ubaid Najibabadi
apne hisse meñ salīqe kā koī ġham hī nahīñ
is liye ishq kī rāhoñ kī taraf dekhte haiñ
apne hisse mein saliqe ka koi gham hi nahin
is liye ishq ki rahon ki taraf dekhte hain
pyaas ne āvāz dariyā ko na dī
kaam phir se āñsuoñ se chal gayā
pyas ne aawaz dariya ko na di
kaam phir se aansuon se chal gaya
jhuuT kahtā huuñ to kartā hai pazīrā.ī mirī
sach batātā huuñ to vo shaḳhs zabāñ khīñchtā hai
jhuT kahta hun to karta hai pazirai meri
sach batata hun to wo shaKHs zaban khinchta hai
musāfir zaḳhm khā kar hañs rahe haiñ
ye kaisī hukmrānī ho rahī hai
musafir zaKHm kha kar hans rahe hain
ye kaisi hukmrani ho rahi hai
-
Share this
- See Ghazal
- Critique
- Comments
- Download