اک ندی میں سیکڑوں دریا کی طغیانی ملی

ڈوبنے والے کو مر جانے کی آسانی ملی

صاف جذبوں کے حوالے سے تو غم ہیں لیکن

ایک لمحے کی خوشی ایک صدی رہتی ہے

جلد منزل تک پہنچنے کا جنوں اس کو رہا

زندگی بھر اس لیے رستہ بدلتا رہ گیا

جیون کا سنگیت اچانک انتم سر کو چھو لیتا ہے

ہنستا ہی رہتا ہے پھر بھی میرے اندر مرنے والا

دیکھ لیتے ہیں اندھیرے میں بھی رستہ اپنا

شمع احساس کے مانند جلی رہتی ہے

اجالا اپنے گھروندے میں رہ گیا تو رات

کہاں قیام کرے گی کہاں سے گزرے گی

کیا جانے کب دھرتی پر سیلاب کا منظر ہو جائے

ہر دم یہ مجبور نگاہیں ورشا کرتی رہتی ہیں

بات پہنچے سماعت کو تاثیر دے کس طرح

لفظ ہیں اور لفظوں میں زور بیانی نہیں