samjheñge na aġhyār ko aġhyār kahāñ tak

kab tak vo mohabbat ko mohabbat na kaheñge

samjhenge na aghyar ko aghyar kahan tak

kab tak wo mohabbat ko mohabbat na kahenge

shirkat gunāh meñ bhī rahe kuchh savāb kī

tauba ke saath toḌiye botal sharāb kī

shirkat gunah mein bhi rahe kuchh sawab ki

tauba ke sath toDiye botal sharab ki

chāhat kā jab mazā hai ki vo bhī hoñ be-qarār

donoñ taraf ho aag barābar lagī huī

chahat ka jab maza hai ki wo bhi hon be-qarar

donon taraf ho aag barabar lagi hui

ishq hai ishq to ik roz tamāshā hogā

aap jis muñh ko chhupāte haiñ dikhānā hogā

ishq hai ishq to ek roz tamasha hoga

aap jis munh ko chhupate hain dikhana hoga

ḳhair se rahtā hai raushan nām-e-nek

hashr tak jaltā hai nekī kā charāġh

KHair se rahta hai raushan nam-e-nek

hashr tak jalta hai neki ka charagh