ilm meñ jhīñgur se baḌh kar kāmrāñ koī nahīñ

chaaT jaatā hai kitābeñ imtihāñ koī nahīñ

ilm mein jhingur se baDh kar kaamran koi nahin

chaT jata hai kitaben imtihan koi nahin

chaa.e meñ Daal kar ushshāq use pī jaate

dar-haqīqat lab-e-ma.ashūq jo shakkar hotā

chae mein Dal kar ushshaq use pi jate

dar-haqiqat lab-e-mashuq jo shakkar hota

hameñ batlā na deñ āshiq jo haiñ rū-e-kitābī par

sabaq hai kyā koī ma.ashūq jis ko yaad karte haiñ

hamein batla na den aashiq jo hain ru-e-kitabi par

sabaq hai kya koi mashuq jis ko yaad karte hain

'zarīf' ab fā.eda kyā shā.iroñ ko sardī khāne se

ġhazal ham paḌh chuke ghar jaa.eñ kyuuñ be-kār baiThe haiñ

'zarif' ab faeda kya shairon ko sardi khane se

ghazal hum paDh chuke ghar jaen kyun be-kar baiThe hain

mai ko jo istilāh meñ kahte haiñ duḳht-e-raz

vo muġhbacha hai rindoñ kā saalā kaheñ jise

mai ko jo istilah mein kahte hain duKHt-e-raz

wo mughbacha hai rindon ka sala kahen jise

vahshat meñ har ik naqsha ulTā nazar aatā hai

majnūñ nazar aatī hai lailā nazar aatā hai

wahshat mein har ek naqsha ulTa nazar aata hai

majnun nazar aati hai laila nazar aata hai

zulf ke jaal meñ ma.ashūq kā sar hai ḳhud bhī

qaidiyoñ muzhda ki sayyād tah-e-dām aayā

zulf ke jal mein mashuq ka sar hai KHud bhi

qaidiyon muzhda ki sayyaad tah-e-dam aaya

vo bhī gūñge bane rahe ham bhī

guftugū qissa-muḳhtasar na huī

wo bhi gunge bane rahe hum bhi

guftugu qissa-muKHtasar na hui

bazm meñ kuchh qadar-dāñ is qism ke aa jā.eñge

chhāñT kar aksar na.e juute churā le jā.eñge

bazm mein kuchh qadar-dan is qism ke aa jaenge

chhanT kar aksar nae jute chura le jaenge

jo dikhāte haiñ rah-e-ishq meñ sābit-qadamī

aise ushshāq ke pairoñ meñ varam hotā hai

jo dikhate hain rah-e-ishq mein sabit-qadami

aise ushshaq ke pairon mein waram hota hai

baaz aa.e mohabbat se ai ishq ḳhudā hāfiz

ulfat meñ jise dekho andhā nazar aatā hai

baz aae mohabbat se ai ishq KHuda hafiz

ulfat mein jise dekho andha nazar aata hai

aisī jagah pe gar kahīñ rahne ko jā mile

insāñ ko zindagī meñ lahad kā mazā mile

aisi jagah pe gar kahin rahne ko ja mile

insan ko zindagi mein lahad ka maza mile

sākinān-e-shahr ab hoshyār honā chāhiye

member aur voter kā kuchh me.aar honā chāhiye

sakinan-e-shahr ab hoshyar hona chahiye

member aur woter ka kuchh mear hona chahiye