زویا شیخ کی شاعری

زویا شیخ کے اشعار

خامشی کا سبب نہیں کچھ بھی

مجھ کو بس گفتگو سے نفرت ہے

وہ مری سادگی پہ مرتا ہے

مجھ کو گہنوں کی کیا ضرورت ہے

سنو آؤ نیا اک زخم بخشو

تمہارا ہجر بوڑھا ہو گیا ہے

خوددار خود پرست ہیں ضدی بلا کے ہیں

ہم جو گئے تو لوٹ کر واپس نہ آئیں گے

پھر یوں ہوا کہ زندگی اک بوجھ بن گئی

اک شخص میرے ہاتھ سے یک لخت کھو گیا

ہمیں اس سے جدا ہونا پڑا تھا

ہمارے بیچ دنیا آ گئی تھی

عشق ہے مجھ سے اسے یا کہ فقط ہمدردی

جب بھی وہ چھوڑ کے جاتا ہے پلٹ آتا ہے