aaj to dil ke dard par hañs kar

dard kā dil dukhā diyā maiñ ne

aaj to dil ke dard par hans kar

dard ka dil dukha diya main ne

tumhārā sirf havāoñ pe shak gayā hogā

charāġh ḳhud bhī to jal jal ke thak gayā hogā

tumhaara sirf hawaon pe shak gaya hoga

charagh KHud bhi to jal jal ke thak gaya hoga

koī titlī nishāne par nahīñ hai

maiñ bas rañgoñ kā pīchhā kar rahā huuñ

koi titli nishane par nahin hai

main bas rangon ka pichha kar raha hun

us ke ḳhat raat bhar yuuñ paḌhtā huuñ

jaise kal imtihān ho merā

us ke KHat raat bhar yun paDhta hun

jaise kal imtihan ho mera

vo jis ne aañkh atā kī hai dekhne ke liye

usī ko chhoḌ ke sab kuchh dikhā.ī detā hai

wo jis ne aankh ata ki hai dekhne ke liye

usi ko chhoD ke sab kuchh dikhai deta hai

apnā kañgan samajh rahe ho kyā

aur kitnā ghumāoge mujh ko

apna kangan samajh rahe ho kya

aur kitna ghumaoge mujh ko

ūñche nīche ghar the bastī meñ bahut

zalzale ne sab barābar kar diye

unche niche ghar the basti mein bahut

zalzale ne sab barabar kar diye

ab talak us ko dhyān ho merā

kyā pata ye gumān ho merā

ab talak us ko dhyan ho mera

kya pata ye guman ho mera

kisī bhūke se mat pūchho mohabbat kis ko kahte haiñ

ki tum āñchal bichhāoge vo dastar-ḳhvān samjhegā

kisi bhuke se mat puchho mohabbat kis ko kahte hain

ki tum aanchal bichhaoge wo dastar-KHwan samjhega

aa.ina kab banāoge mujh ko

mujh se kis din milāoge mujh ko

aaina kab banaoge mujh ko

mujh se kis din milaoge mujh ko

bas maiñ māyūs hone vaalā thā

aur maulā ne tujh ko bhej diyā

bas main mayus hone wala tha

aur maula ne tujh ko bhej diya

pahelī zindagī kī kab tū ai nādān samjhegā

bahut dushvāriyāñ hoñgī agar āsān samjhegā

paheli zindagi ki kab tu ai nadan samjhega

bahut dushwariyan hongi agar aasan samjhega

hamārā dil to hamesha se ik jagah par hai

tumhārā dard hī rasta bhaTak gayā hogā

hamara dil to hamesha se ek jagah par hai

tumhaara dard hi rasta bhaTak gaya hoga

is dar kā ho yā us dar kā har patthar patthar hai lekin

kuchh ne merā sar phoḌā haiñ kuchh par maiñ ne sar phoḌā hai

is dar ka ho ya us dar ka har patthar patthar hai lekin

kuchh ne mera sar phoDa hain kuchh par main ne sar phoDa hai

bichhaḌ kar bhī huuñ zinda rahne vaalā

tū hotā kaun hai ye kahne vaalā

bichhaD kar bhi hun zinda rahne wala

tu hota kaun hai ye kahne wala

shāyad qazā ne mujh ko ḳhazāna banā diyā

aisā nahīñ to kyuuñ mujhe dafnā rahe haiñ log

shayad qaza ne mujh ko KHazana bana diya

aisa nahin to kyun mujhe dafna rahe hain log