Zubair Ali Tabish's Photo'

زبیر علی تابش

1987 | جلگاؤں, ہندوستان

اصلی نام : زبیر علی تابش

پیدائش : 27 Aug 1987 | نندربار, مہاراشٹر

آئنہ کب بناؤ گے مجھ کو

مجھ سے کس دن ملاؤ گے مجھ کو

زبیر علی تابش کی پیدائش مہاراشٹر کے مضافاتی علاقے نگر دیولہ میں ہوئی ۔ زبیر کو بچپن سے ہی شعر و شاعری کا شغف تھا ۔ اور ابتدائی دنوں سے ہی اپنے احساسات کو الفاظ میں ڈھالنے لگے تھے ۔ ادبی مطالعہ اور مشاہدے سے ان کے فن میں پختگی آتی گئی اور اس وقت وہ ہندوستان کے مشہور شعرا میں درج کئے جاتے ہیں ۔ ان کی زبان نہایت سلیس و سادہ ہے ، اور زندگی کے عام موضوعات پر بڑے بھرپور تجربات کے ساتھ ان کا شعری سفر جاری ہے ۔ چھوٹی چھوٹی بحروں میں بھی خوب شعر نکالے ہیں ۔ ان کے یہاں زندگی کے تئیں ایک الگ ہی تجربہ ملتا ہے ۔ جہاں وہ معاشرے کی تلخیوں اور زندگی کی نامرادیوں سے دو دو ہاتھ کرتے دکھائی دیتے ہیں ۔ اپنے معشوق سے دھول دھپا بھی ان کا شیوہ ہے۔ اظہار کی بے باکی اور لفظوں کے محتاط انتخاب سے ان کے شعروں میں دلچسپ کیفیت پیدا ہو جاتی ہے ۔
اس وقت وہ تدریس کے پیشے سے منسلک ہیں اور ان کی ایک کتاب   تمھارے بعد کا موسم    شائع ہوچکی ہے ، اس کتاب کی ادبی حلقوں میں خوب پذیرائی ہوئی ۔

موضوعات