نام محمد صادق چغتائی اور تخلص زہیر ہے۔۱۳؍ جون ۱۹۳۳ء کو کنجاہ ، ضلع گجرات میں پید ا ہوئے۔ ابتدائی تعلیم کنجاہ میں حاصل کی۔ ایم اے (اردو) گورڈن کالج، راولپنڈی سے امتیازی حیثیت سے پاس کیا۔راولپنڈی میں تدریس سے وابستہ ہیں۔ پاکستان رائٹرزگلڈ اسلام آباد/راولپنڈی کے پانچ سال تک سیکریٹری رہے۔ شاعری میں افقرموہانی سے اصلاح لی۔ ان کی وفات کے بعد یزدانی جالندھری سے تلمذ حاصل رہا۔ ان کی تصانیف کے نام یہ ہیں: ’فکروخیال‘، ’گل کدہ‘، ’دریچے‘، ’دیپک‘، ’محبت اور خون‘، ’ترا آئینہ ہوں میں‘۔ بحوالۂ:پیمانۂ غزل(جلد دوم)،محمد شمس الحق،صفحہ:277