kaisā ye marhala hai ki ik dūsre se ham

kahne ko āshnā haiñ magar āshnā nahīñ

kaisa ye marhala hai ki ek dusre se hum

kahne ko aashna hain magar aashna nahin

baḌī vīrānī hai dil ke shajar par

mohabbat ke parinde uḌ ga.e kyā

baDi virani hai dil ke shajar par

mohabbat ke parinde uD gae kya

har baat dil kī lab pe nahīñ laanā lāzmī

kuchh guftugū meñ bhī adab ādāb chāhiye

har baat dil ki lab pe nahin lana lazmi

kuchh guftugu mein bhi adab aadab chahiye

kahāñ tak ham nibāheñ zindagī tere masā.ib se

kahāñ tak zeb detā hai kisī kā bā-vafā honā

kahan tak hum nibahen zindagi tere masaib se

kahan tak zeb deta hai kisi ka ba-wafa hona

bujhne nahīñ diyā ise furqat ke baa'd bhī

yādoñ se terī dil ko farozāñ rakhā sadā

bujhne nahin diya ise furqat ke ba'd bhi

yaadon se teri dil ko farozan rakha sada

nā-tavāñ shaḳhs hī paatā hai sazā.eñ aksar

go ḳhatāvār bhī hotā hai nahīñ bhī hotā

na-tawan shaKHs hi pata hai sazaen aksar

go KHatawar bhi hota hai nahin bhi hota

muflisī paañv kī zanjīr thī aur

rū-ba-rū aa ke zarūrat Thahrī

muflisi panw ki zanjir thi aur

ru-ba-ru aa ke zarurat Thahri

tū ne siine se jinheñ aaj lagā rakkhā hai

dil se vo log hī jaa.eñ na utar kis ko ḳhabar

tu ne sine se jinhen aaj laga rakkha hai

dil se wo log hi jaen na utar kis ko KHabar

ai shaḳhs tujh se tark-e-ta'alluq kā ġham nahīñ

ġham ye hai maiñ ne ḳhud ko tire saath kho diyā

ai shaKHs tujh se tark-e-ta'alluq ka gham nahin

gham ye hai main ne KHud ko tere sath kho diya

log ā.eñge bahut chhoḌ ke jā.eñge bahut

har kisī ko na kaleje se lagā kar rakhiye

log aaenge bahut chhoD ke jaenge bahut

har kisi ko na kaleje se laga kar rakhiye

ham ki rakhte haiñ āsmāñ kī talab

aur uḌne kā hausla bhī nahīñ

hum ki rakhte hain aasman ki talab

aur uDne ka hausla bhi nahin

ye alag baat mujhe lauT ke aanā hai yahīñ

tīrgī mujh ko magar phir bhī rihā.ī de de

ye alag baat mujhe lauT ke aana hai yahin

tirgi mujh ko magar phir bhi rihai de de

zindagī ham ne kī basar kuchh yuuñ

shauq kuchh aur mashġhale kuchh aur

zindagi hum ne ki basar kuchh yun

shauq kuchh aur mashghale kuchh aur