Abdul Mateen Niyaz's Photo'

عبدالمتین نیاز

1929 | بھوپال, ہندوستان

۶۰ کی دہائی میں ابھرنے والے اہم شاعروں میں شامل، گہرے ادراک اور شدید جذباتی رویے کی حامل شاعری کے لیے معروف

۶۰ کی دہائی میں ابھرنے والے اہم شاعروں میں شامل، گہرے ادراک اور شدید جذباتی رویے کی حامل شاعری کے لیے معروف

عبدالمتین نیاز کے اشعار

294
Favorite

باعتبار

لوگوں کو اپنی فکر ہے لیکن مجھے ندیم

بزم حیات و نظم گلستاں کی فکر ہے

وقت مہلت نہ دے گا پھر تم کو

تیر جس دم کمان سے نکلا

دل نے ہر دور میں دنیا سے بغاوت کی ہے

دل سے تم رسم و روایات کی باتیں نہ کرو

ہم نفس خواب جنوں کی کوئی تعبیر نہ دیکھ

رقص کرنا ہے تو پھر پاؤں کی زنجیر نہ دیکھ

الفاظ مدح خواں تھے قلم تھے بکے ہوئے

کیسے تراش لیتے کوئی شاہ کار ہم

کتنے بے نور ہیں یہ ہنگامے

میں بھرے شہر میں بھی ہوں تنہا

انتشار و خوف ہر اک سر میں ہے

عافیت سے کون اپنے گھر میں ہے

کتنے ہی زخم ہرے ہیں مرے سینے میں نیازؔ

آپ اب مجھ سے عنایات کی باتیں نہ کرو

بے رخی دیکھ اب زمانے کی

مدعا کیوں زبان سے نکلا

بسا کے دل میں ترے غم ترے ستم اے دوست

جہاں جہاں سے بھی گزرا میں نغمہ خواں گزرا