آندھیوں کا کارواں چلتا رہا
آندھیوں کا کارواں چلتا رہا
ایک دیپک رات بھر جلتا رہا
ہے وہ اب سب سے زیادہ ہی قریب
عمر بھر جو مجھ کو بس کھلتا رہا
بس یہی تیری حقیقت ہے کہ تو
خواب بن کر آنکھ میں پلتا رہا
ہجر کا عالم بتاؤں کیا تجھے
یاد میں تیری یہ دل جلتا رہا
عشق سے سینچا تھا ہم نے جو شجر
زرد ہونے پر بھی وہ پھلتا رہا
اس طرف اگتا رہا سورج مگر
اس طرف سورج مرا ڈھلتا رہا
اک مقام آیا سفرؔ میں ایسا بھی
میں رکا تو راستہ چلتا رہا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
