اگر انجمن میں جگہ نہیں سر رہگزر بھی نہ لا مجھے

اگر انجمن میں جگہ نہیں سر رہگزر بھی نہ لا مجھے

ترے دل میں گر نہ سما سکوں تو یوں خاک میں نہ ملا مجھے

ہیں انہیں بھی مجھ سے شکایتیں ہیں اسے بھی تھوڑی کدورتیں

نہ بتوں کی مجھ پہ عنایتیں نہ ہی دیکھتا ہے خدا مجھے

مرا فائدہ نہ رہا اگر میں اگر یہاں پہ بے سود ہوں

سو غبار ہوں تو اڑا مجھے یا چراغ ہوں تو بجھا مجھے

کہیں میں ہی رہ سے بھٹک گیا یا نظر زمانے کی لگ گئی

سو لہٰذا دل میں بسا مجھے سو نظر میں اپنی چھپا مجھے

مرا عشق ہے جو عروج پر مری بات بھی جو ہے معتبر

کوئی دوستوں کی ہے بد دعا یا رقیب کی ہے دعا مجھے

مرا اعتراف ہے ان سے بھی مجھے اعتبار ہے ان پہ بھی

رہ و رسم اور جو بڑھ گئی نظر آیا نقش وفا مجھے

نہ ہی تاج و تخت نہ مال و زر نہ تو منزلیں نہ ہی دشت و در

تو ہی چاہیے تھا تو مل گیا سو اب اور چاہیے کیا مجھے