کی تلاش کا نتیجه | موضو - تمام, صفحہ sar-phirii

بیسویں صدی کا ابتدائی زمانہ دنیا کے لئے اور بالخصوص بر صغیر کے لئے خاصہ ہنگامہ خیز تھا۔ نئی صدی کی دستک نے نئے افکار و خیالات کے لئے ایک زرخیز زمین تیّار کی اور مغرب کے توسیع پسندانہ عزائم پر قدغن لگانے کا کام کیا۔ اس پس منظر نے اردو شاعری کے موضوعات اور اظہار کےمحاورے یکسر بدل کر رکھ دئے اور اس تبدیلی کی بہترین مثال علامہ اقبالؔ کی شاعری ہے۔ اقبالؔ کی شاعری نے اس زمانے میں نئے افکار اور روشن خیالات کا ایک ایسا حسین مرقع تیار کیا جس میں شاعری کے جملہ لوازمات نے اسلامی کرداروں اور تلمیحات کے ساتھ مل کر ایک جادو کا سا اثر پیدا کیا۔ لوگوں کو بیدار کرنے اور ان کے اندر ولولہ پیدا کرنے کا کارنامہ انجام دیا۔ اقبالؔ کی شاعری نے عالمی ادب کے جیّدوں سے خراج حاصل کیا اور ساتھ ہی ساتھ تنازعات کا محور بھی بنی رہی۔ اقبال بلا شبہ اپنے عہد کے ایسے شاعر تھے جنہیں تکریم و تعظیم حاصل ہوئی اور ان کے بارے میں آج بھی مستقل لکھا جا رہا ہے۔ یہاں تک کہ انھوں نے بچوں کے لئے جو شاعری کی ہے وہ بھی بے مثال ہے۔ان کی کئی نظموں کے مصرعے اپنی سادگی اور شکوہ کے سبب آج بھی زبان زد عام ہیں۔ مثلاً سارے جہاں سے اچھا ہندوستاں ہمارا یا لب پہ آتی ہے دعا بن کے تمنا میری کا آج بھی کوئی بدل نہیں۔ یہاں ہم اقبالؔ کے مقبول ترین اشعار میں سے صرف ۲۰ اشعار آپ کی نذر کر رہے ہیں۔ آپ اپنی ترجیحات سے ہمیں آگاہ کر سکتے ہیں تاکہ اس انتخاب کو مزید جامع شکل دی جا سکے۔ ہمیں آپ کے بیش قیمت تاثرات کا انتظار رہے گا۔

بلاگ

کیا فیض کی شاعری وقت کے ساتھ پرانی ہو جائے گی؟

ادبی تنقید میں اکثر یہ سوال اٹھایا جاتا ہے کہ جو شاعری تاریخ کی کسی مخصوص لہر یا سیاسی تحریک کے زیرِ اثر پیدا ہوتی ہے، کیا وہ وقت گزرنے کے ساتھ 'وقتی' Dated ہو جاتی ہے؟ ہنگامی اور وطنی شاعری کا ایک بڑا حصہ طاقِ نسیاں کی نذر اس لیے ہو جاتا ہے کہ اس میں فنکارانہ جوہر کی کمی ہوتی ہے۔ اگر کوئی فن پارہ صرف موضوع یا سیاسی نعرے کے زور پر زندہ رہنے کا دعویٰ کرے، تو وقت کی دیمک اسے چاٹ لیتی ہے۔ تو پھر فیض احمد فیض کی شاعری کا مستقبل کیا ہے؟ اس سوال کا جواب فیض کے اس بے مثال فنی کمال میں پوشیدہ ہے جسے 'تخلیقی تقلیب' Creative Transformation کہا جاتا ہے۔ فیض نے خالص تاریخی اور سیاسی سانحوں کو جذبات کاری کے ذریعے انتہائی ارفع اور ہمہ گیر جمالیاتی احساس میں ڈھال دیا۔ ان کے یہاں تاریخی شعور یا انقلابی فکر کوئی محدود چیز نہیں، بلکہ یہ جمالیاتی اظہار کی راہ پا کر ایک آفاقی انسانی کیفیت بن جاتی ہے۔ اس کی ایک روشن مثال ان کی غزل نما نظم 'ڈھاکہ سے واپسی پر' ہے، جو سقوطِ ڈھاکہ کے پس منظر میں لکھی گئی: اس عنوان کی بدولت اس غزل کا تاریخی تناظر ذہن پرثبت ہو جاتا ہے۔ ہم کہ ٹھہرے اجنبی اتنی ملاقاتوں کے بعد پھر بنیں گے آشنا کتنی مداراتوں کے بعد کب نظر میں آئے گی بے داغ سبزے کی بہار خون کے دھبے دھلیں گے کتنی برساتوں کے بعد oetry اگر اس غزل کا عنوان ہٹا دیا جائے، تو یہ خالص تغزل کا رنگ لیے معلوم ہوتی ہے جس میں ہجر، شکستِ دل، اور گلے شکووں کا ذکر ہے۔ لیکن عنوان کے ساتھ ہی یہ اشعار تاریخ کے محور پر سانس لینے لگتے ہیں۔ 'خون کے دھبے' اور 'بے داغ سبزے کی بہار' جیسے استعارے بیک وقت ایک محبوب سے بچھڑنے کا غم بھی ہیں اور ایک قوم کے ٹوٹنے کا نوحہ بھی۔ فیض کی کامیابی کا سب سے بڑا راز یہ ہے کہ ان کے یہاں عاشقانہ سطح محض عاشقانہ نہیں، اور انقلابی سطح محض انقلابی نہیں۔ ذہن اور شعور بیک وقت دونوں سطحوں سے لطف اندوز ہوتے ہیں۔ نثار میں تری گلیوں کے اے وطن کہ جہاں چلی ہے رسم کہ کوئی نہ سر اٹھا کے چلے oetry فیض باغی شاعر ضرور ہیں، لیکن وہ رجز خوانی نہیں کرتے۔ ان کا لہجہ غنائی Lyrical ہے اور ان کا دل دردِ محبت سے چور ہے۔ انہوں نے جمالیاتی احساس کو انقلابی فکر پر قربان نہیں کیا، اور نہ ہی انقلاب کو جمالیات پر۔ ان کے سوزِ دروں میں سب ہنگامی آلائشیں پگھل جاتی ہیں۔ یہی وجہ ہے کہ فیض کی شاعری کا وہ حصہ جس میں خونِ جگر کی آمیزش اور فنی اخلاص کی مہر ہے، وقت گزرنے کے ساتھ دھندلانے کے بجائے مزید روشن اور تابندہ ہوتا جائے گا۔

تمام